BNO Visa

BNO visa 計劃推行已經有三年時間，最初申請30個月的申請者亦都係時間申請多30個月的renew。當然，如果現時的情況同三年前申請時有變，renew多30個月Home Office唔一定會同意。例如，配偶dependant的身份，現時已經離婚，申請就唔一定會批。

另外，IHS的有關收費都加左好多。如果30個月後，未能滿足Indefinite Leave to Remain的條件，到時IHS的收費可能會進一步增加。

申請人在地5年間需要注意保持行為良好，唔好有刑事犯罪。因為，如果係嚴重刑事案，非英籍犯罪者會係完成刑期後，Home Office會deport佢返家鄉。再重新申請BNO visa的難度會好大。可以揾移民律師試下申請，十萬八萬律師費就畀硬。

有啲申請人，係申請之前已經有刑事過失，如果唔係好嚴重的案件，而犯案時又好耐之前，之後申請人一路都保持行為良好，申請BNO visa通常都批。呢種情況，申請人最好一次過申請60個月，因為如果需要30個月後返黎renew，Home Office係會重新考慮申請。第一次批你唔代表第二次一定會批你。

注意5年後申請永居，成過居留期間都要保持行為良好。申請人需要滿足criminality同conducive to public good的suitability條件。

樓宇買賣

 樓宇買賣 - 

近日，樓宇買賣活躍返，希望想賣就賣得出，想買就買到。香港樓宇買賣程序算直接。買賣雙方都有律師代表，賣方最簡單，收左錢就無手尾跟。買家收左樓，重怕係有漏水，可能凶宅，或有靈體寄居，等等。

買家必須係臨約簽署前，問清楚單位係唔係凶宅，重要臨約寫明。問地產代理，同賣方的有關問題。及其回覆都要有當時書面證明。如果，簽約前無問，簽約後就無仇報。另外，凶宅法律上無清楚定義，最好寫清楚，單位無發生過凶殺，跳樓，自然死亡，等等。

香港的物業註冊制度係所謂 unregistered title。買方律師需要睇樓契 title deeds 有無問題，去決定單位的 title 有無問題。土地註冊署唔會保證註冊物業業權無問題。所以法律責任要買方律師負責。

英國的物業主要都係 registered title。土地註冊署保證業權誰屬。買家律師的責任細好多。買家只要做 search 同 survey，保證物業質素無問題就可以。當然，亦都無凶宅的問題。因為，英國無講凶宅名單呢樣嘢。買屋之前，買家好難有資料知道間屋係唔係凶宅。通常，要到入住睇到或聽到靈體朋友，就知中召啦！

買樓宇係大數目的大決定，過程要小心啲。如果，中召先揾律師去告人，就要浪費大量的時間同金錢，而結果又無得保證。

離婚

 離婚 -

離婚有5種唔同的理由可以提出 - 通姦，不合理行為，分居兩年，同意並分居一年，遺棄一年。家法事法庭只要事實上相信婚姻已經破裂至無可挽救，就會批出離婚令。

通姦證明上比較困難，因為對方通常唔會主動承認。提出方需要證明A同B，有發生性行為，都有一定困難，除非，兩人參加AV演出。不合理行為，可以係精神上，或肉體上，打人，唔畀家用，成日唔返屋企，等等。分居兩年，可以單方面提出離婚。分居一年，但雙方同意，就好簡單。遺棄一年，人都揾唔到，就可以單方面提出離婚。按相方不同情況，最好先問下律師意見。

除非相方同意，或無未成年子女，雙方都需要處理子女的管養權問題。家事法庭一般情況會睇下邊一方係通常負責管教子女，並有更好的資源及時間繼續管教子女，去決定管養權畀邊一方。

贍養費方面，起點係婚姻財富的一半，各人平分。但法庭會考慮，相方的收入及支出，以及合理的生活條件，作出最後安排。當然，如果相方同意，法庭唔會多問。

近年，由於好多香港家庭可能已經移民外國，如英國，加拿大，澳洲等等。如果，要提出離婚，最直接當然係所在國提出。但並非所有情況都適合。例如，相方無未成年子女，係香港有不動產，香港提出離婚，家事法庭可以直接批出有關處理物業的法庭命令。如果，係所在國提出離婚，所在國的法庭命令唔可以直接係香港執行。離婚一方需要係香港高等法院提出申請普通法上執行。第一，普通法上，唔係所有法庭命令可以執行，如 order for sale 就唔得。第二，高院律師費又高又金。

按擬提出離婚一方的個別情況，最好先問下律師的法律意見，再決定係所在國，定係香港提出離婚。

遺產承辦

 遺產承辦 -

辦理遺產承辦，要去遺產承辦處。遺產承辦可分為: 有遺囑承辦，同無遺囑承辦。前者比較方便，需按照平安紙中所述的承辦人去處理承辦。攞左承辦認証後，就按照平安紙中所定的受益人去分配財產。後者，由於無立平安紙，就要按無遺囑承辦法去處理遺產承辦，同遺產分配。

簡單黎講，無遺囑承辦法把逝者的後人分為不同的先後次序。配偶次序最高。如果配偶早亡，子女可以去做承辦。如果無配偶，又無子女，父母可以去做承辦，之後就係逝者的兄弟姐妹啦。而受益人的先後次序，都係同承辦的先後次序一樣。

遺產承辦可以自己處理，或透過律師去處理都可以。通常遺產較多，受益人又多，透過律師去處理比較方便。如果遺產唔多，可以自己同遺產承辦處約時間處理。一般情況，佢地都幫到手。揾律師的缺點當然係要使律師費。

至於申請承辦的文件方面，必須注意逝者名字描述要正確同全面。理由好簡單，如果逝者在生時，曾經改名，佢有可能用唔同名買過並持有不同的不動產或其他資產。如果遺產認証中無呢個名，後人係辦唔到遺產轉名。只可以返遺產承辦處做多次更改。

同樣道理，財產的描述都要正確同全面。樓宇的描述需要按照土地註冊署的描述，銀行戶口號碼就一正要準確。財產描述唔好遺漏。否則，就要返轉頭，去遺產承辦處辦理更改。

多地遺囑

 多地遺囑-

立遺囑，或平安紙時，需要考慮兩方面的事情：(1) 何人會係平安紙中的受益人，和 (2) 財產的性質及地理上的分布情況。第 (1) 點，以前已經講過，重點係邊個係受益人，以及邊個如果唔係受益人，係法律上，可否日後法律上提出訴訟，向遺產執行人追討。

第 (2) 點而言，一般人比較少注意。就不動產黎講，如果立遺囑人在香港，以及海外都有財產，如果生前只立左一份平安紙，唔理係香港立定係海外立。如係香港所立，日後係香港做遺產承辦，去處理香港的不動產，當然唔會有問題。問題就發生係點樣去處理海外的不動產了? 因為香港遺產承辦處的遺產認證，係唔可以攞去海外任何一個國家做所謂 resealing 。如加拿大就唔可以。

結果，後人就唔可以簡單直接係加拿大辦理所在地的不動產。後人需要係加拿大重新做一次遺產承辦。立遺囑人過身的永居地就變得好重要，因為，假如立遺囑人係香港過身，加拿大的遺產承辦需要用香港的承辦法律去處理。當中的律師費支出會大好多。呢個係所謂 conflict of laws 的問題。呢種情況下：客人最好係香港及加拿大分別立一份平安紙。日後，後人可以分別係香港同加拿大辦理遺產承辦。律師費支出會比較低。

如果，海外的不動產處於英國，後人可以用 resealing 的方法去處理承辦。如只得一份香港平安紙，後人可以係香港遺產承辦處攞左遺產認證之後，去英國做 resealing 。反過黎，只得一份英國平安紙，後人就要係英國做遺產認證之後，返香港做 resealing 。但較簡單的方法都係香港同英國分別立一份平安紙。日後，後人可以分別係香港同英國辦理承辦。律師費支出會比較低。

上述因不動產而引起的 conflict of laws 的問題，同樣會發生係如銀行存款上。如後人係加拿大攞住遺產承辦認證返香港的銀行要求提款，香港銀行唔會承認，亦唔會采你。

移民律師

 移民律師 -

一般在英國生活了十年，八年，或者時間更長的華人，如果是逾期居留，都希望有一天能夠正式獲得合法身分。由於，沒有合法身分，無論在生活，工作，以及子女教育上都會面對許多困難和問題。若果能經法律途徑獲得合法身分，以上種種困難和問題自然會一一解決。

英國移民法規對逾期居留者提供多條不同的路徑可獲得合法身分，因應申請人的不同情況，可以透過不同的路徑進行申請。理論上，申請人可以以個人身分直接向內政部提出申請。由於英國移民法規非常複雜，又經常更改，一般人在沒有移民律師代表的情況下，能滿足內政部的申請要求，最後成功獲得合法身分的機會不大。

所以，申請人通常都會找移民律師或移民顧問的服務。到底移民律師或移民顧問有何分別? 前者為經過正式法律訓練，已經成功通過律師專業試的正式英國註冊律師。但後者不是律師，只是從事移民服務的工作者。某些移民顧問可能有多年的經驗，由於沒有經過正式法律訓練，當申請人情況比較複雜時，處理上會有困難。申請人最好初次會面時，正式要求服務提供者透露到底是移民律師，還是移民顧問? 申請人需要選擇正式的移民律師代表提出申請。

移民律師或移民顧問的收費相差非常之大。同一類型的申請事項收費可以為2000英鎊到5000英鎊不等。申請人要如何選擇呢? 一般而言，申請人要多走數間不同的移民律師問下初步法律意見。初步會面，通常不收費的。經驗所得，收費太低的移民律師不會用心和用足夠時間去處理申請，因為每項申請收費太低，只能用數量換質量。收費太高的都不能選，因為收費高並非代表服務好，只是希望用市場不透明獲取最大利益。以上述2000英鎊到5000英鎊的收費為例子，申請人應該選擇律師收費為大約3000英鎊最合適。

授權書

 授權書-

授權書的種類有好多種，即所謂 power of attorney。一般情況下，香港人日常會接觸到的授權書係授權他人幫手賣樓，或者放租。現時，不少港人因為政治，或者其他的原因，需要短時間內離開香港，在港物業又唔可以離港前賣出或者租出。無理由叫地產代理放賣或放租成功後，親身回港辦理手續及簽署交易文件。費時失事。

較理想的方法係離港前，親身上律師樓一趟，係律師面前簽份授權書，再交畀被授權人，去負責簽署買賣，或者放租的文件。注意: 授權書的有效期限為一年。如果係簽署後一年內物業都賣唔出，或者租唔出，原本個份授權書就會失效。授權人係呢種情況下，就需要揾律師簽過份新授權書。當然，律師費要畀多次。

如果離港前，黎唔切揾律師做份授權書，或者做左，但一年已過，物業都未賣出或者租出。現時已經身在海外，可能政治上，或者其他的原因，唔可能或者唔方便再返香港。點樣再做份新的授權書呢? 如果身在海外的國家，能係附近揾到香港律師，去處理授權書的文件，以及見證簽署，之後把簽署好的授權書寄回香港畀被授權人便可。

授權人好多時間侯都擔心如果揾左個靠唔住既被授權人。物業最終賣出，或者租出，被授權人會將所得賣價或租金據為己有。呢個唔使擔心，因為被授權人的權限只在於賣出或租出物業，款項係會按照授權書指定直接畀返授權人，即業主本人。

其他注意事項: 授權書上的授權人簽署式樣必須同對上樓宇買賣文件 (即 last assignment) 簽署式樣一致。否則，一年內揾到買家都無用，因為買家代表律師唔會接受係出於業主的簽署，並視授權書為無效。